حوار عائلة يجلط

اهلا اهلا اهلا اهلاحوار عائلة بس شو حوار
خليك للآخر ورح تفهم......
الأب مخاطب الابن : تعال ولا
الابن و بكل براءة : نعم
الأب :نعامة ترفسك ... تعال ولا
الابن : ليش شو سويت؟
الأب : سواك ضريب يخلع رقبتك
الابن : شو فيه؟
الام : شواية تشوي عضمك ....رد على ابوك بأدب ولا
الابن : هوه انا حكيت شي؟
الأب:حكحكوا جنابك بالعصايه وقف منيح يا حيوان
الابن : حاضر
الأم :يحضروا على قبرك انشالله ... لما ابوك يحكي انت بتخرس
الابن :أخرس؟
الأب : ايوه ان شالله خرسه
الابن: ماشي
الأم: اجاك مشش بركبك ما تقوم منه انشالله
الابن :مشش ؟؟؟ شو هاذا المشش؟؟
الأب: اما انك قليل حيا ...وبترد على امك كمان ؟ هات العصاية وتعال ولا
الابن: انا رديت على امي؟ امي احكيلك شي كلمه
الأم: موا يمزع نيـعـك ولا ....حكيتلك اخرس
الابن الان اصبح مغلوب على امره ومش فاهم ايش الموضوع وصمت
الأب: أما جيل قليل حيا...احكي ولا ... مالك انخرست
الابن : شو احكي؟ اذا حكيت بتقولوا عني قليل حيا وبتشوفوني غلط
الام :حيه الي تقرصك انشالله ... قلتلك تأدب وانت بتحكي مع ابوك
الأب : شو "بتشوفونا غلط" ولا ... شايفنا عميان ولا حول ؟
الابن : لا اله الا الله
الأم : الله ياخذك انشالله .... يا ريتني خلفت ابن الجيران ولا انت
الأب: انا مالي عارف هاد الولد متى بدو يصير رجال...دايما فاضحني بين الرجال
الابن: طيب شو اعمل عشان تشوفني رجال ؟
الأب: قلتلك اخرس ولا
الابن: يا الله ... يا الله ... يا جماعه شو صايرلكم ... شو فيه ؟
الأم: اه صحيح انت ليش ناديت عالولد يا رجال؟
الأب :بتصدقي يا مره اني نسيت.... نساني شو كنت بدي منو هالكلب
الاب : خلص روح ارجع على غرفتك بابا
ههههههههههههه بعد كل هاد روح ارجع على غرفتك بابا
ههههههههههههه